Hopp til innholdet

Kulturrom:a boahtte ohcanáigemearri lea čakčamánu 1. beaivvi, gaskaijaáigge

Kulturrom:a boahtte ohcanáigemearri lea čakčamánu 1. beaivvi, gaskaijaáigge. Dá leat čohkken ávkkálaš dieđuid didjiide geat áigubehtet ohcat doarjaga.

Ávkkálaš reaiddut

Kulturrom.no neahttabáikkis gávdnabehtet ollu ávkkálaš dieđuid ja rávvagiid. Dá leat čujuhusat muhtin ávkkálaš veahkkesiidduide:
Movt ohcat doarjaga?
Masa sáhttá ohcat doarjaga?
Iska sáhttit go ohcat – Čađat iskosa!

Buorit ovdamearkat – masa sáhttá oažžut doarjaga?

Ovdamearkat ovddeš juolludemiin sáhttet leat veahkkin go čállá doarjjaohcama. Masa leat sullasaš ohccit ožžon doarjaga? Man ollu doarjaga sáhttá vuordit?

Geahča máid earát leat ožžon: Dás gávdnabehtet listu

Rotvoll Kunstnerkollektiv oaččui 2 007 000 ru. doarjjan hukset ja buoridit 16 hárjehallanlanja, nu ahte geavaheddjiide šaddá buoret bargodilli.

Konseartabáiki Blårock, Romssas, oaččui 636.000 ru. doarjjan ođđa jietnarusttegiidda jna.

 

Dá čoahkkáigeassu 2020 juolludemiin ja dassážii dán jagi, geat ožžo doarjaga ja masa:

Máid deattuhit ohcamušas: Ákkastallan lea dehálaš

Maŋemus jagiid leat ohcamat lassánan 140% ja leat ollu buorit doaimmat mat dađibahábut eai ožžon doarjaga. Ja go ná ollu ohcamat bohtet de lea ákkastallan ohcamis mii mearrida vuoruhuvvo go din ohcamuš. Go ohcamat árvvoštallojuvvojit de deattuhuvvo man relevánta doaibma lea doarjjaortnega ulbmila ektui. Kulturrom galgá doarjut buriid doaimmaid miehtá riika ja váikkuhit dasa ahte ásahuvvojit eanet sajit kultuvrii; iešguđet šaŋŋeriid, ulbmiljoavkkuid, ahkásaččaid ja dásiid ektui.
Ohcamiid árvvoštallamis ja vuoruheamis deattuhuvvojit čuovvovaš čuoggát:

Doaibma ja man dávjá – MII?

Čalmmustahttit man ollu/dávjá kulturlatnja ja rusttegat adnojuvvojit. Dás sáhttibehtet ieža defineret mii din báikkis lea dávjá.
Čilge geavaheddjiid ja ovttasgeavaheami.

Dárbbut – GEAT?

Čalmmustahttit makkár dárbbut gokčojuvvojit báikkálaččat. Makkár kulturlanjat váilot?
Makkár infrastruktuvrii ja teknihkalaš rusttegiidda lea dárbu doalahan dihte doaimmaid dahje jus áigu álggahit ođđa doaimmaid.
Geaidda leat doaimmat jurddašuvvon?
Makkár erohusa/ávkki dagahivččii doarjja?
Makkár funkšuvdna lea din kulturlanjas/doaimmas? Ovdamearkadihte fálaldat eaktodáhtolaš bargiide, mánáide ja nuoraide dahje ámmát kultursuorgái?

Čađahandáidu – MOVT?

Ohcamušas galgá leat mielde vuđolaš ja ollislaš plána ja realisttalaš bušeahtta.
Berre ohccojuvvot doarjja vuođđorusttegiidda main lea bistevaš árvu, maid sáhttá adnit guhkitáigásaš perspektiivvas. Ja sisaoastimiin/investeremiin berre leat guhkes bistináigi ja doarvái buorre kvaliteahtta.
Ohcci ferte čujuhit ollislaš plánii sisaoastimii/investeremii, atnimii ja divodeapmái.
Mielddusin galgá bidjot vuđolaš bušeahtta.

Loga eanet ohcanproseassa ja čilgehusa birra

Om denne saken: Styret i Kulturrom har i 2021 vedtatt å opprette en arbeidsgruppe som skal jobbe med å nå bedre ut til søkere som har samisk som morsmål. Som en del av dette arbeidet tar vi imot søknader på både norsk og samisk. Etterhvert vil mer av informasjonen om ordningene være tilgjengelig på samisk og det vil arrangeres egne informasjonsmøter.